Matten am Häerz vun der Stad Lëtzebuerg, am Bankezentrum, no bei de ville Geschäfter an nëmmen e puer Schrëtt vum historeschen an touristeschen Zentrum ewech, profitéiert den Hôtel Le Royal vun enger aussergewéinlecher Lag an enger agreabeler Stad, ëmgi vu Parken, Däller a Bëscher.
Dank senger exzellenter Lag am Stadzentrum, tëscht dem liewege Geschäftsquartier op där enger Säit an de wonnerschéine Parke vun der Stad op där anerer Säit, ass Le Royal dat féierend 5-Stären-Hotel vun der Haaptstad an Member vun der prestigiéiser internationaler Organisatioun The Leading Hotels of the World.
Den Hotel verfüügt iwwer 210 komfortabel an elegant ageriicht Zëmmeren a Suiten. Hei fannt Dir eng Brasserie, de Restaurant Amélys mat senger eenzegaarteger a wonnerschéiner blummeger Terrass, souwéi de Royal Lounge. De Room Service steet Iech 24 Stonnen den Dag zur Verfügung.
Ideal fir Geschäftsrenconteren a Konferenzen, bitt den Hotel och 1.000 m² Fläch fir Reuniounen, Seminairen an all Zort vu private Veranstaltungen (Hochzäiten, Familljefester, Kommiounen, asw.).
De Club Santé, mat engem 12 Meter laange gehëtzte Schwämm, Sauna, Hammam, Massagen a Fitnesssall, gëtt duerch e Schéinheetssalon ergänzt.
Net ze vergiessen ass d'Boutique vum Hotel, wou eng Auswiel u renomméierte Marke op Iech waart.
Vum internationale Fluchhafe vu Lëtzebuerg aus stelle mir Iech gratis eisen Shuttle-Service zur Verfügung (op Reservatioun a jee no Disponibilitéit).
Mir verfügen och iwwer en Zëmmer, dat speziell fir Persoune mat ageschränkter Mobilitéit ugepasst ass.
