D’LALUX Grupp gouf 1920 gegrënnt a war déi éischt lëtzebuergesch Versécherungsgesellschaft am Groussherzogtum. Haut zielt si zu de Maartleaderen. Als All-Sparten-Versécherer profitéiert d’Grupp vun enger stabiler, familiärer Aktionärsstruktur a genéisst eng grouss Entscheedungsautonomie, ofgeséchert géint d’Turbulenze vun de Finanzmäert.
Empathie, Integritéit a Proximitéit sinn wichteg Grondwäerter vun der LALUX Grupp. Si ginn duerch e breet Netzwierk vu méi wéi 700 zougeloossenen Agenten gedroen, deenen hiren Engagement a Know-how d’Mark reegelméisseg op Spëtzeplaze positionéieren, wat Clientszefriddenheet, Loyalitéit an d’Benotzererfarung ugeet.
Dank enger breeder Palette u flexibele Versécherungsléisunge kann LALUX de Besoinen an den héchsten Erwaardunge vu Privatleit, Selbststännegen an Entreprisen gerecht ginn.
