D'Apdikt vu Sandweiler empfänkt Iech zu Sandweiler mat Kompetenz a Frëndlechkeet fir all Är Besoinen am Beräich Gesondheet a Wuelbefannen. D'Apdikt gëtt vun der Madame Kutten geleet, déi zënter véier Joer Besëtzerin ass an zënter méi wéi zwanzeg Joer an der Apdikt schafft. Si gëtt ënnerstëtzt vun engem erfuerenen Team aus fënnef Apdikteren, zwou Preparatricen, enger Apdiktsassistentin an enger administrativer Mataarbechterin.
D'Apdikt bitt eng breet Palette u Servicer fir Ären Alldag ze vereinfachen. Si preparéiert individuell magistral Preparatiounen wéi Salben, Lotionen, Kapselen oder Mëschungen op medezinescher Verschreiwung. Fir Iech Zäit ze spueren, kënnt Dir Är Ordonnance am Viraus per E-Mail schécken. Mat engem Click-&-Collect-Service an engem sécheren Ofhuelschaf, deen 24 Stonnen den Dag zougänglech ass, kënnt Dir Är Bestellungen och ausserhalb vun den Ëffnungszäiten ofhuelen.
D'Team beréit Iech och kompetent am Beräich Phytotherapie, Homöopathie a komplementär Medezin souwéi bei veterinäre Produiten. Ausserdeem ginn Moossn fir Kompressiounsstrëmp gehol, Blutdrockapparater ugebueden an Bluttzockermiesser ausgetosch.
No hirem Ëmzuch an die nei Raimlechkeeten ass d'Apdikt mat moderner Technologie equipéiert, dorënner e BD Rowa-Roboter, e Laboratoire fir magistral Preparatiounen an optiméiert Aarbechtsprozesser, fir Iech eng nach besser Betreiung an eng optimal Clientserfarung ze bidden.
D'Apdikt ass barrièrefräi zougänglech a bitt eng PMR-Parkplaz direkt virun der Entrée souwéi aacht weider privat Parkplazen hannert dem Gebai. Zousätzlech si Parkméiglechkeeten an der Strooss disponibel. D'Team empfänkt Iech op Franséisch, Lëtzebuergesch, Däitsch, Englesch, Italienesch an Albanesch.
