Mir sinn en Team vu fënnef Architektinnen, spezialiséiert am Wunnengsbau. Dës Fachkompetenz erlaabt eis, e breet Spektrum u Projeten ëmzesetzen – vun der Demande vu Geneemegunge fir kleng Erweiderungen bis hin zur Planung an Entwécklung vu ganze Quartieren.
Mir plangen esou wuel soziale Wunnengsbau wéi och urban Villaen a leeë grousse Wäert op d’Notzung, de Kontext an d’Mënschen, déi an dëse Raim liewen. Donieft realiséiere mir och Transformatiounen an Ëmbaute vu bestoende Wunnhaiser a verfügen iwwer eng grouss Erfarung an der Sanéierung vu klasséierte Gebaier.
Eis Architektur entsteet aus enger grëndlecher Iwwerleeung an enger zoliter berufflecher Erfarung, mat der Iwwerzeegung, datt all Projet en direkten an nohaltegen Afloss op d’Liewensqualitéit vun eise Clienten huet.
