D’Fondatioun ass am Gesondheetsberäich aktiv. Si ass eenzeg Aktionärin vun den HRS–Hôpitaux Robert Schuman S.A., déi d’Spidolsaktivitéiten vum Hôpital Kirchberg, der Clinique Bohler, der Clinique Sainte Marie an dem Site Cloche d’Or zesummeféieren.
D’Fondatioun ass och eenzeg Aktionärin vu Santé Service S.A., engem Déngschtleeschter am Gesondheetssecteur.
D’Fondatioun exploitéiert a geréiert hir net-hospitalär Aktivitéiten direkt. Als Proprietär vum GesondheetsZentrum, engem Zentrum fir Präventiouns- a Fréierkennungsmedezin, ënnerstëtzt si d’Entwécklung duerch Investissementer an Infrastruktur- an Ausrüstungsprojeten, Innovatioun, Fuerschung an Aktivitéiten am Beräich Formatioun a Bildungswiesen.
