Den CFL multimodal Grupp ass een Déngschtleeschter, deen déi ganz multimodal Logistikketten ofdeckt.
Mat enger staarker Präsenz an Europa, duerch hir 10 Filialen a 4 Länner, bidden CFL multimodal an hir Schwëstersgesellschaft CFL cargo eng breet Pallette un Transport- a Logistikzerwisser un, déi un d’individuell Bedürfnisser vun all Client ugepasst sinn: kombinéierten a konventionellen Eisebunntransport, Waggonsmaintenance, Stroossentransport, Frachtvermëttlung souwéi och Lagerung, personaliséiert Logistikdéngschtleeschtungen an Douanenzerwisser.
Zu Lëtzebuerg bezéien sech d’Aktivitéite vun CFL multimodal op den intermodalen Terminal Beetebuerg-Diddeleng an op den Eurohub-Sud-Logistikpark. Duerch seng strategesch Lag um Rail Freight Corridor 2 (Nordsee–Mëttelmier) an am Häerz vun den Haapttransportachsen an Europa, ass de multimodalen Hub ideal fir d’Zesummeféierung vun intermodale Gidderstréim – souwuel europawäit, wéi och doriwwer eraus. Mat enger järlecher Kapazitéit vu bis zu 600.000 UTI'en a mat modernster Technologie am Beräich Sécherheet a Kontroll ausgestatt, ass den intermodalen Terminal vu Beetebuerg-Diddeleng mat de grousse Seehäfen a wichtege Wirtschaftsregioune duerch kombinéiert Shuttle-Zich verbonnen.
