D'Agence eSanté G.I.E. huet als Missioun, de sécheren Austausch an d'Deele vu Gesondheetsdaten tëscht de verschiddene Gesondheetsfachleit an Acteuren ze fërderen, déi um Fleege- a Behandlungswee zu Lëtzebuerg bedeelegt sinn.
Domat dréit si zur Entwécklung vun engem modernen, koordinéierten a sécheren digitale Gesondheetssystem bäi, am Déngscht vun de Patienten an de Gesondheetsfachleit.
Am Aklang mat den Artikelen 60ter a 60quater vum Code de la Sécurité Sociale suergt d'Agence eSanté fir eng optimal Notzung vu Gesondheetsinformatiounen am Gesondheets- a medico-soziale Beräich.
Hir Aktivitéite sollen ënner anerem d'Koordinatioun vun der Fleeg, d'Kontinuitéit vun der Betreiung an d'Qualitéit vum Informatiounsaustausch am ganze Behandlungswee verbesseren.
D'Interoperabilitéit vun de Gesondheetssystemer ass dobäi och e wichtege Bestanddeel vun hire Missiounen.
Si erméiglecht et den autoriséierten Acteuren, Gesondheetsdaten op eng kohärent an eenheetlech Manéier auszetauschen, ze verstoen an ze benotzen, wärend hir Sécherheet a Vertraulechkeet garantéiert bleift.
Zu de wichtegste Servicer gehéieren den Dossier de Soins Partagé (DSP) an de Carnet de Vaccination Électronique (CVE).
Dës digital Instrumenter erliichteren den Zougang zu relevanten Informatiounen an hiren Austausch a droen esou zu enger besserer Koordinatioun vun der Fleeg bäi.
Mat hiren digitale Léisungen a Servicer begleet d'Agence eSanté G.I.E. déi digital Transformatioun vum Lëtzebuerger Gesondheetssystem a bedeelegt sech un der Entwécklung vun engem ëmmer méi vernetzten, zougänglechen a koordinéierten Gesondheetsëmfeld.
