Als traditionellen Handwierksbetrib steet Studio-Floor Iech voll a ganz zur Verfügung fir all Informatiounen am Beräich Buedembeläg an Bannenariichtung, vun der perséinlecher Berodung bis zur professioneller Ausféierung vun den Aarbechten. Eis Devise ass et, Iech eng grouss Auswiel u Produiten an en héichwäertege Service ze garantéieren. Gegrënnt am Joer 2003, baséiert Studio-Floor op engem Team mat iwwer 35 Joer Erfarung am Beräich Buedembeläg an Dekoratioun vum Banneraum.
Dir gitt vun erfuere Fachleit empfaangen, déi op Är Besoine lauschteren an Iech einfach, haltbar an ästhetesch Léisunge zu faire Präisser ubidden. Dank der Zesummenaarbecht mat méi wéi 200 Fournisseuren bidden mir eng breet Auswiel u Buedembeläg, wéi Teppecher, Linoleum, PVC, Parkett, Laminat a Gummi, souwéi Sonneschutzfolien, Bannenstore, dekorativ Faarwen an Tapéiten. Kuckt Iech eis Rubriken un a iwwerzeegt Iech selwer vun der Qualitéit vun eise Produiten an eisem handwierkleche Know-how.
