Solidarité Jeunes asbl huet als Zil d'Konzipéierung, d'Schafung, d'Entwécklung an d'Gestioun vun Aktivitéiten, déi direkt oder indirekt mat de Beräicher Kandheet, Jugend a Famill a Verbindung stinn.
D'Associatioun engagéiert sech fir d'Begleedung vu Kanner, Jugendlechen a jonken Erwuessenen a schwierege Liewenssituatiounen. De Schwéierpunkt läit besonnesch op hirer Erzéiung, hirer sozialer Inklusioun, hirer Integratioun an d'Famill souwéi op hirem kierperlechen a psychesche Wuelbefannen.
D'Associatioun verfollegt weder politesch nach konfessionell Ziler. Hir Aktivitéiten an Déngschtleeschtunge stinn alle Persounen op, onofhängeg vun hirer Nationalitéit, hirer ethnescher Hierkonft, hire politeschen oder reliéisen Iwwerzeegungen oder hirer sexueller Orientéierung.