Sadelite Constructions gouf 2008 vum Miguel Teixeira gegrënnt, deen zënter ville Joren am Bausecteur aktiv ass. Mat enger Ekipp vu 60 motivéierten a kompetente Mataarbechter ass Sadelite Constructions am ganze Groussherzogtum Lëtzebuerg aktiv a steet fir eng héich Qualitéit bei der Ausféierung vu sengen Aarbechten.
Bauen mat Sadelite:
Bauen ass virun allem eng Fro vu Vertrauen. Eis Spezialisten analyséieren d'Projete gemeinsam mat eise Clienten a leeë grousse Wäert drop, si beschtméiglech ze beroden, ënner Berücksichtegung vun hire Wënsch, hire reelle Besoinen an hirem Budget.
Baussegestaltung:
Zënter senger Grënnung huet Sadelite Constructions e besonnescht Know-how am Beräich vun der Baussegestaltung entwéckelt. Ob Pavéierungsaarbechten fir Terrassen, Parkplazen, Garagezufahrten an Aganksberäicher oder Bordürenaarbechten – Sadelite Constructions ass am ganze Land fir d'Qualitéit vu senger Aarbecht a senge Finitioune bekannt.
Renovatiounen:
Eng Renovatioun ass eng usprochsvoll Aarbecht, déi eng ëmfaassend Beherrschung vun allen modernen an traditionelle Bautechnike verlaangt. Dacks gëtt do geschafft, wou d'Clientë weiderhi wunnen. Dat verlaangt Diskretioun an och d'Fäegkeet, virsiichteg ze schaffen, ouni d'Ëmgéigend ze beschiedegen. Dës Kombinatioun vu Kompetenze mécht, datt nëmme wéineg Entreprisë sech op Renovatiounsaarbechte spezialiséieren.
Sadelite Constructions ass Ären zouverlässege Partner fir all Är Renovatiounsaarbechten.
Ofbrochaarbechten:
Virum Ufank vun engem Bau- oder Renovatiounsprojet suergt Sadelite Constructions mat sengem Service fir Ofbrochaarbechten an d'Ewechféiere vu Bauschutt dofir, datt Äre Chantier propper a prett fir déi nächst Aarbechten ass.
Ofdichtungsaarbechten:
Sadelite bitt Iech och qualitativ héichwäerteg Aarbechten un, déi Fachkompetenz mat den héijen Ufuerderunge bei Ofdichtungsaarbechten, Maintenance an der Sich no Leckage verbannen.
