D’Residenz fir eeler Leit An de Wisen gouf komplett vu Sodexo konzipéiert a realiséiert.
Nëmmen e puer Schrëtt vum Parc Jacquinot ewech mécht d’Residenz hir Dieren op fir Persoune vu 60 Joer oder méi, déi Hëllef bei hiren alldeeglechen Aktivitéite brauchen.
Eist multidisziplinäert Fleegkonzept baséiert op enger ganzheetlecher Betreiung vun der eelerer Persoun.
En agreabele Liewensëmfeld, gesond a schmackhaft Iessen, souwéi eng roueg a geselleg Atmosphär: alles gouf duerchduecht, fir d’Wuelbefanne vun all Bewunner ze garantéieren.
An der Residenz fir eeler Leit An de Wisen leeë mir grousse Wäert drop, datt sech eis Bewunner wierklech wéi doheem fillen. Dofir si si häerzlech invitéiert, hiert Zëmmer mat perséinleche Miwwelen a Géigestänn individuell anzerriichten. Sou kënne si an engem vertrauten Ëmfeld liewen, dat hiert Wuelbefannen an hir Entfalung fërdert.
Fir den Alldag vun eise Bewunner méi ofwiesslungsräich a lieweg ze gestalten, bidden mir eng breet Palette un Aktivitéiten an organiséieren och vill Ausflich am ganze Land an an d’Ausland.
