Eis Etude
No enger éischter Ernennung zu Rambrouch am Joer 2012 gouf de Maître Jean-Paul Meyers 2015 als Notaire zu Esch-Uelzecht ernannt. Ier hien Notaire gouf, huet de Jean-Paul Meyers eng zolidd Erfarung als Affekot bei de Geriichter an als Riichter an der ziviller a kommerzieller Chamber gesammelt.
D'Etude ass spezialiséiert am Immobilienrecht, am Zivilrecht an am Geschäftsrecht. De Notaire a seng qualifizéiert Mataarbechter stinn de Clienten zur Verfügung, äntweren op hir Froen a bidden hinnen ugepasste Berodung bei allen importante Schrëtt am Liewen.
Mir freeën eis, Iech bei Äre Projeten am Beräich vum Immobilienkaf, der Familljen- a Nofollegsplanung souwéi bei der Grënnung vun enger Gesellschaft ze begréissen an ze beroden.
