Life Coaching a berufflecht Coaching fir Jugendlecher an Erwuessener zu Lëtzebuerg – viru Plaz oder online, a verschiddene Sproochen.
Ech sinn d’Laurence Fattebene, Life Coach mat Praxis zu Breinert, a begleeden Jugendlecher an Erwuessener an hirer perséinlecher a berufflecher Entwécklung.
Als fréier Léierin an I-EBS am lëtzebuergesche Schoulsystem bréngen ech vill pedagogesch Erfarung mat, souwéi e staarkt Versteesdemech fir Mënschen, Verännerungsprozesser anusprochsvoll Liewenssituatiounen.
Meng Coaching-Ausbildung hunn ech bei enger Institutioun gemaach, déi vun der International Coaching Federation (ICF) unerkannt ass. Si ass d’Grondlag fir héich professionell Standarden an e kloer strukturéierte Coaching-Prozess.
Ech hu mech op Life Coaching a beruffleche Coaching spezialiséiert a begleeden d’Leit dobäi, hir Ziler ze klären, Blockaden ze léisen an individuell Léisungen z’entwéckelen, ënner anerem an dëse Beräicher:
- Perséinlechkeetsentwécklung: Selbstvertraue stäerken, kloer Grenze setzen, Entscheedunge méi einfach treffen
- Liewensbalance: eng gesond Work-Life-Balance fannen, Stress lassloossen, Resilienz opbauen
- Bezéiungen: Kloerheet an der Partnerschaft, der Famill oder an der Eltereroll gewannen
- Beruffleche Coaching: Ziler setzen an erreechen, Zäit- & Selbstmanagement, Konflikter léisen, sécher optrieden
D’Sessioune fannen sur place oder online statt: op Lëtzebuergesch, Däitsch, Franséisch an Englesch.
Meng Aarbecht baséiert op enger authentescher, oppener a respektvoller Kommunikatioun, an där all Persoun an hirem eegene Rhythmus wuessen däerf.
Ech begleeden Mënschen, déi sech weiderentwéckele wëllen, sech nei orientéieren oder e stabilt Gläichgewiicht an hirem perséinlechen oder beruffleche Liewen fannen wëllen.
Zousätzlech bidden ech och Workshops fir Gruppen an Ekippen un.
