Zënter Januar 2023 bitt d’Association Imagerie Médicale Potaschbierg (by CHL) Iech, an Zesummenaarbecht mam CHL, radiologesch Ënnersichungen um Potaschbierg un – an enger angeneemer Atmosphär an a nei amenagéierte Raimlechkeeten.
Eise Approche ass eng patientenzentréiert Radiologie, an direkter Zesummenaarbecht mat den anere medezinesche Fachberäicher vum CMP (Centre Médical Potaschbierg).
D’Radiologie spillt a ville medezinesche Fachberäicher eng wichteg Roll a liwwert dacks entscheedend Informatioune fir d’Diagnos, fir datt déi passend Behandlung esou séier wéi méiglech ageleet ka ginn. Mat moderner medezinescher Bildgebung kann de mënschleche Kierper haut mat enger Präzisioun a Geschwindegkeet ënnersicht ginn, déi virun e puer Joerzéngten nach kaum virstellbar war.
Telefonspermanenz
Méindes-Freides 8:30 - 15:30 Auer
Ëffnungszäite vum Sekretariat
Méindes-Freides 7:30 - 17:00 Auer
Dir kënnt eis wärend der Telefonspermanenz uruffen oder eis eng E-Mail mat Ärer medezinescher Ordonnance, Ärer Telefonsnummer, Ärer Ufro an dem gewënschte Rendez-vous schécken. Mir mellen eis esou séier wéi méiglech bei Iech zeréck.
